JOHN KEVIN DECIO PILAPIL
Sun.Star Cebu
KAWAYAN, Biliran– Nagdeklara og dengue outbreak ang lokal nga kagamhanan sa Kawayan sa Biliran gumikan sa daghang kaso sa dengue.
Si Mayor Rodolfo Espina Sr., nipagawas og Executive Order No. 3 nga nipalig-on sa maong deklarasyon.
Base sa datos sa Municipal Health Office, napulo ka barangay ang apektado sa dengue.
Mao kini ang mga apektadong barangay: Balacson, Balite, Burabod, Kansanoc, Mapuyo, Poblacion, Tucdao, Ungale, Madao, ug Villa Cornejo.
Miabot sa 81 ka kaso ang naitala lukop munisipalidad.
Pinakadaghan og kaso sa dengue ang barangay Mapuyo diin dunay 42 ka kaso sa dengue.
Gisundan kini sa barangay Tucdao nga dunay 12 ka kaso sa dengue.
Ang barangay Kansano dunay walo ka kaso.
Tig unom ka kaso naman sa Barangay Ungale ug Burabod samtang tulo naman sa Madao ug tagsa ka kaso sa ubang barangay.
Gumikan sa maong datos, si Health Office Dr. Christine Balasbas mirekomendar nga sa pagdeklara og dengue outbreak.
The post Dengue outbreak gideklara sa Kawayan appeared first on Biliran Blogs.