BiliranIsland.com Staff
BiliranIsland.com
First Posted 06:10:00 AM 8/02/2020
Naangol ang usa ka motorista human nabangga ang gimanehuang motor niini sa usa ka sakyanan duol sa Star Oil Station, sa boundary sa Smo. Rosario ug Brgy. Atipolo sa Naval, Biliran alas 6:15 sa gabie Sabado, Agosto 1, 2020.
Sa gihimo nga pakisusi sa kapulisan sa Naval, ang Mitsubishi Adventure nga may plaka TOH 367, gi manihuan ni Jocy Belle Sican y Pineda, 27 anyos, daga, Rotaflex accounting officer, ug residente sa Bernardes Village, Atipolo, Lungsod sa Naval.
Sigon pa, padung sa norte ang Mitsubishi Adventure. Unya ning overtake. Kusog ang padagan sa motor gikan sa atbang nga direksiyon, nga miresulta sa pagkabangga niini.
Tungod sa kakusog sa panagbangga, nalabay gikan sa iyang gimanihan nga motorsiklo ang biktima ug nabunal sa dalan.
Dali nga gidala sa Biliran Provincial Hospital ang driver sa Zuzuki Raider nga si Jake Gocela y Aliban,31 anyos, minyo, dump truck driver, ug residente sa Smo. Rosario, lungsod sa Naval.
Balita nahikay sa Biliran Blogs.
The post Drayber sa motor angol sa bangga appeared first on Biliran Blogs.