BiliranIsland.com Staff
BiliranIsland.com
First Posted 4:42 PM 11/11/2023
Naval, Biliran—Tanggong karon ang usa ka empleyado sa kagamhanan human kini masakpi sa iyang asawa didto sa lawak nga giabangan sa iyang kolukadidang mga alas 4:00 sa buntag niadtung Viernes, Nobyembre 10, sa Vicentillo Extension, Brgy. P.I Garcia ning lungsora.
Ang nasakpan nga bana sa iyang asawa gitago sa ngalan nga Digoy, 33, anyos, minyo, ug kasamtangan nagtrabaho karon sa usa ka ahensiya sa kagamhanan.
Matud pa sa kapulisan nga usa ka asawa nga gitago sa ngalan nga Yummy, ang midangop sa ilang buhatan sayo sa buntag niadtung Viernes ug nangayog tabang kabahin sa iyang reklamo nga ang iyang bana nga si Digoy ang wala mauli sa ila niadtung gabhiuna ug malagmit didto kini sa iyang kolukadidang nga gitago sa ngalan Moira.
Ang kapolisan sa Naval ang mitubag gilayon sa reklamo ni Yummy ug uban nil ani Police Staff Sergeant Venus Abrigo, imbistigador sa Women’s and Protection Center (WCPD) ug Police Corporal Owen Dalde, ang miadtu dayon sa lugar kung diin didto nag-abang ug usa ka kwarto ang kolukadidang sa gireklamo nga asawa.
Pag-abot sa lugar mipahipi lang ang duha ka mga pulis sa kilid samtang ang reklamante ang nanuktok sa kwarto. Matud pa sa miuban nga mga pulis nga dugay kuno kaayo muabli ang pultahan sa kwarto nga ilang giadtu apan sa kadugayan miabli ra gyud gihapon kini nga pultahan diin migawas na unta ang bana sa reklamante nga padung na unta mouli.
Human maabli misud dayon ang reklamante sa kwarto diin nahitabo ang gamay nga kasamok sa duha ka mga babaye apan napugngan ang pagdaku tongod sa uban nga duha ka mga pulis.
Gidala lang usab dayon sa kapolisan sa ilang buhatan si Digoy diin gipasakaan kini dayon ug kasong paglapas sa RA 9262 nga mao ang Violence against Women and their children.
The post Bana sakspan sa asawa sulod sa kwarto uban sa iyang kolukadidang appeared first on Biliran Blogs.